CAMIÑADA DA MADALENA / SÁBADO 17 DE XULLO

ANGUIEROS-ENCIÑEIRA-ANGUIEIROS

Dificultade media, 9 quilómetros de distancia aproximadamente.Recomendacións: Gorra, protección solar, auga e algo de almorzo.

Saída prevista dos Anguieiros 9:30 h. –Entrada da aldea– Chegada de volta, sobre as 13:00 h.

A ruta parte da entrada de Anguieiros, ‘o Portaleiro‘. Comenzamos pola estrada que sube á Enciñeira pasando por debaixo do Castrillón, antigo castro que probablemente era un punto de vixilancia que dominaba as explotacións auríferas existentes en todo o val e que eran xestionadas polos romanos.

Ficha do Castro dos Anguieiros. Catalogagono PXOM de Quiroga

Aos 600 metros viramos á dereita para coller unha pista con dirección aos vales. Podemos xa ver o encoro e a aldea de Casares dando paso ao canón do Bibei. Camiñaremos pola provincia de Lugo e ao outro lado do río poderemos ver a provincia de Ourense. Percorrendo ‘os Vales‘ podemos ver vexetación típicamente mediterránea como carrascos, carqueixas, xaras e uces mesturadas con vexetación máis atlántica como os castiñeiros.

Casares ( Ribas de Sil)

Avanzando cara ao ‘Lourido‘ pasamos por piñeirales e imos deixando pouco a pouco o canón do Bibei para adentrarnos nos límites xa da Enciñeira, sede da capela na honra de Santa Isabel e na que hai unha enciña centenaria. Na parroquia da Enciñeira hai toponimia testemuña da presenza dos romanos fai 2000 anos, como o poboado de Sesmil que se pensa que fai referencia á presenza dunha lexión de 6000 romanos que se asentaron nesa zona para dirixir e protexer as explotacións de ouro. Tamén son frecuentes nomes de veciños que fan alusión a emperadores romanos como Teodosio ou Adriano.

Capela da Enciñeira

Os veciños desta parroquia abrirán o Centro Social, a antiga escola, esperando cheguemos cara as 12.00 ou 12.30 h. Alí poderase pedir un refresco e tomar aire para a baixada a Anguieiros. Ao saír da Enciñeira comenzamos xa a descender cara a Anguieiros, o noso destino, coas vistas do val de Montefurado e o antigo meandro do Sil dende ‘o Pousadoiro‘.

Vista dos Anguieiros xa de volta