Aquí vos deixamos o cartel da XLII Feira do Viño de Quiroga e a programación. Se chove, que chova, sempre hai algo que facer e «a casa come a un». Pasádeo ben!
Este sábado 30 de marzo organizamos unha breve camiñada para aproveitar que hai máis xente pola contorna. A previsión climatolóxina non é a máis desexable pero intentaremos facela a non ser que chova moito nas horas programadas.
HORA DE SAÍDA: 10:00 h.
LUGAR DE SAÍDA E DE CHEGADA: Alvaredos
DESTINO INTERMEDIO: Roblido
RECOMENDACIÓNS DA ORGANIZACIÓN: levar roupa de abrigo, auga suficiente, algún tentempé e bo calzado.
HORA ESTIMADA DE CHEGADA: 13:00 h.
DISTANCIA: 7 quilómetros
DIFICULTADE: Baixa
BREVE DESCRICIÓN: Andaina que une as aldeas de Alvaredos (concello de Quiroga, provincia de Lugo) e Roblido (concello da Rúa, provincia de Ourense).
A ida será con certa pendente, ao principio algo máis pronunciada pero nunca chega a ser difícil. Cambiaremos na nosa subida dunha provincia a outra. A parte final da ida é a entrada ao pobo de Roblido.
A volta polo tanto será costa abaixo gozando do val de Montefurado de volta a Alvaredos.
Foto: Núcleo rural de Roblido. Autor: Lois Rúa.
ASOCIACIÓN BOCA DO MONTE (Os Anguieiros) 