Nos Anguieiros temos un pasado importante no coidado das oliveiras e na elaboración do aceite. Só pensar que houbo dous muíños a pleno rendimento bastantes anos atrás xa nos dá sinais do importante que era para as economías familiares e da cantidade que se podía recoller cada ano.
A día de hoxe só se mantén en pé un muíño, aínda que non funciona como tal dende hai anos. Xa temos feito algunha reportaxe fotográfica e saíu o tema nalgún artigo.
Hoxe en día, moitos particulares están recuperando oliveiras autóctonas e incluso plantando novas coa intención de facer aceite para autoconsumo, pero tamén colle olivas nos Anguieiros o noso amigo Miguel, de Cento x Cento Figueiredo. E ben orgullosos estamos de que teña un aceite de tan alta calidade con aportación do froito de oliveiras que teñen raíces aquí.
ASOCIACIÓN BOCA DO MONTE (Os Anguieiros) 